Cover art for Slami ( سلامي ) by Lotfi Double Kanon

Slami ( سلامي )

Jan. 1, 20091 viewer

Slami ( سلامي ) Lyrics

[المقطع الاول]
الحمد الله في لا فان نبلغ سلامي
للناس الكل الي تحبني و تسمعني
بلا بيكم ما كمنتش أنا نكزيستي
و بلا بيكم ما كنتش نريزيستس
نبلغ سلامي للناس الي بداو معانا
ماللول خلاه كي بدا صوتنا يتعالى
الي دعاونا باه الراب تاعنا يبقى يقدم
قالولي تروح بعيد و أنايا كنت نكذب
كنت نكتب ما تهمنيش حاجة أخرى
لا سوارد لا سمعة لا شهرة لا فخرة
الدخلة تاعنا عمبالي كانت تخلع
كانت تخذع و للذل جامي تخضع
نسلم عالناس الي كانوا في البداية
لي قراو معايا ولا الي يسكنوا بحدايا
كلها كانت حايرة كي سمعوا بالحكاية
و فهموا بلي حنايا كلامنا راو رحاية
نسلم عالناس الي عاوني و ما بخلنيش
و الي جا معايا في الليل باش نلسقوا لي زافيش
الي سلفلي تريكو ولا صباط باه نغني
ولا حامى عليا كي لابوليس حبت تغبني
نسلم عالي سلفلي حق التران
باش نطلع لـ ألجي و نفركت إيديتور لبيان
لي عاوني بلي كاسيت باه نفرقهم على الناس
قبل ما خرج عند ليديسيون
[اللازمة] (X2)
مالا نبلغ سوالي ، نبلغ سلامي
للناس الكل الي تسمعلي في كلامي
نحبهم يقولوا مهما وان يكونوا
حنا الكل هنا عندنا عقلية دوبل كانون

[المقطع الثاني]
و نسلم عالناس لي ما شفتهمش
لي يسمعوا غنى تاعي و أنا ما نعرفهمش
لي قراب ولا لي بعاد بآلاف الكيلومترات
العلاقة بيناتنا مشها غناية تاع الراب
العلاقة بيناتنا هي سوفرونس تتقلب
العلاقة بيناتنا هي كلام من القلب
العلاقة بيناتنا غير تزيد و جامي قلت
خاطاك كنت نقلك و نصبرك كي تتقلق
خاطاك حالتي كانت كيما حالتك
و كي نحكي حكايتي تظهرلك نحكي حكيتك
كي نقص قصة تظهرلك راني قاصدك
و كي نحكي واش صرالي تظهرلك آي صراتلك
أ فورس ، وليت صاحبك لي ينصحك
لي حاب يوصيك قبل مالدنيا دي ما تمسحك
كي نشوفك فاشل ما دابيا نروح نحمسك
كي نشوفك غالط ما دابيا نروح نحبسك
أمالا نسلم عالناس لي شراو ألبوم
عالناس الي ديما قاعدين يحفظوا مي بارول
الناس لي بالاك جامي حنتلاقا بيهم
و هوما ديما يسمعوا في كلامي بين وذنيهم
الناس الي يكتبوا الغنى تاعي في ورقة
يحفظوه بالكلمة حتى بالنهجة و بالشهقة
لي يسمع الهدرة تاعي سوايع ولا أكثر
يحس بيها صح و في قلبو كان يتأثر
[اللازمة] (X2)

[المقطع الثالث]
و نبلغ سلامي من قلبي طول
للناس صح لي حبوا يفهموا واش نقول
لي عندهم عقول و مخهم ماشو معقود
لي كرهم من الرقود و حبوا يوقفوا من الركود
الي حبوا يستفسروا و يهمهم المعنى
و يحوسوا عالمغزى و الفايدة من الغنى تاعنا
و لاخر زعمة يسب فينا باللعنة
يغمض عينو عالحق ، هذاك ربي يحشرو أعمى
نبلغ سوالي لي يسمعوني ليل و نهار
لي تغيضهم كي يقراو عليا دعاية في الجورنال
الي كتبوا الأخبار كبيرو ولا صغيرة
الي فرقوا بين الحق وبين الهدة تاع الغيرة
الي تغيضهم تانا كي يسمعوا هدرات عليا
و يسمعوا دي جروب كيما الكرو لي يطيحوا فيا
لي بلا ما يعرفوني أم ديما يدافعوني
لوفيت لي يوقفوا معايا صح فالحق أم فرحوني
أم ينفعوني في وسط هذ الضغط
بين الحقد ، بين البخل ، بين البغي ، بين البغض
عندك لا تغلط خاطاك أنا ماشني روبو
بلا بيكم أنتونا المعنويات يريبوا
خاطاك أ شاك فوا الفشلة كي تجيني
البيبليك تاعي هو لي يونكوراجيني
هو لي يوبليجيني نواصل المسيرة
ميم لاكان سي سور هذ لا ميسيون أي عسيرة
[اللازمة] (X2)

[المقطع الرابع]
و نبلغ سلامي بزاف لهادوك لعباد
لي في التسعة و تسعين كانوا يبعتولي بريات
بارثو من الولايات بالاونفلوب و الثمبر
رسائل مكتوب فيهم كلامك أو يهبل
اليوم أني نتكلم معاهم طول الليل
يبعتولي دي ميساج ديما في الإيميل
يبعتولي أدعية ، أحاديث تاع عرفان
يجيوني بالكوبابل .أف أر
نبلغ سلامي لهادوك الناس الي دارولي دي بلوج
و حاطو فيهم مي فوطو
لي داروا فاليوتوب دي مونتاج فيديو
داوا سيث و فوروك باه يستفادوا و يفيدوا
و نبلغ سلامي للناس الكل تاع لي كونسير
لي تفرججوا عليا كي جيت نغتي أنا سور سين
تبعوني كي نقول "يديكم الكل فالسما "
حافظين لغنايات ميم عندهم قداه سنة
بارثو وين رحنا بتافرحة قابلونا
قبلونا و ميم في القلوب استقبلونا
فسخولنا و عيطولنا عياط على طول جهدههم
نتهنى كي نشوف بلي الهيجة راهي جاتهم
نبلغ سلامي لهادوك لعباد
لي كانوا القدام ولا اللورا كانوا بعاد
لي سلمنا عليهم ولا لي صافحناهم
و يسمحولي لي ما قدرت نصور معاهم

[اللازمة] (X2)

[المقطع الخامس]
و نبلغ سوالي بلا ما ننسى
لي جون لي مبليسية و لخوتي الكل التوانسة
لي يسمعوا غنايا في الدار تم بالدرقة
خاطاك الخبيث تاع الحاكم أو هاز المطرقة
ميم لاكان بديت نتعب و نغلب
ما نروحش بلا ما نبلغ سلامي لولاد المغرب
صح السياسة حابت تفرقنا اليوم
بصح حنايا مهما يكون أمة محمد حتى الموت
نبلغ سلامي ، تحية مباشرة
للناس الي خيروا الحياة في بلاد الهجرة
لي راحوا في الطيارة ولا في القوارب
لي عندهم لي بابيي ولا مازالوا بلا لكوارط
نبلغ سوالي للناس لي نسيتهم
و إنشاء الله المرة الجاية فالغناية نزيدهم
أني آخ منكم و آخذ منكم
خيرت بصح لست بأخير منكم

[اللازمة] (X2)

How to Format Lyrics:

  • Type out all lyrics, even repeating song parts like the chorus
  • Lyrics should be broken down into individual lines
  • Use section headers above different song parts like [Verse], [Chorus], etc.
  • Use italics (<i>lyric</i>) and bold (<b>lyric</b>) to distinguish between different vocalists in the same song part
  • If you don’t understand a lyric, use [?]

To learn more, check out our transcription guide or visit our transcribers forum

About

Have the inside scoop on this song?
Sign up and drop some knowledge

Q&A

Find answers to frequently asked questions about the song and explore its deeper meaning

Comments