Dlaboka Traga 300

Длабока Трага е рап група од Скопје составена од три емсиња: Даре, Тоди и Маро. Започнуваат со снимање во 2005 година, а на 21.12.2012 година го издадоа својот прв албум — “"Никогаш Исто”. Со скопскиот пиволенд 2011, Длабока Трага станува официјално дел од Зад Аголот, група од неколку скопски хип-хоп артисти. Имаат многу соработки со други артисти и продуценти како: Непристоен Предлог, Дудо ДНС, Марко, Деки 02 и Страчка, Аце КН, Да Џака Накот (MK Street Beatz), DJ Илич, DJ Оки Доки, Паки, Ајс, Римиски Масив, Срки и Ѓоц (екс. Длабока Трага). Со тек на време, Даре започнува со продуцирање и сега е дел од Зад Аголот продукција. Како продуцент има работено за: Струја (Скопје; Кутија), Контра Напад, Римиски Масив, Длабока Трага, Паки, Зад Аголот, Кискинов, Ел Борачо и Хроник, 16/3, Деки 02, Двоен Сомнеж и други. Даре ДТ исто така работи како радио DJ во Радио МОФ, како водител на емисијата за хип-хоп, соул и фанк – The Lost Tapes. Звукот на Длабока Трага претставува фузија од “бум-бап”, soul, funk и jazz жанровите. Развивајќи го својот звук и стил, зборуваат за борбата која ја носи животот, нивните погледи и мислења за истиот, за темното под и белото над. Со надеж дека некогаш нивната музика и текстови ќе допрат и помогнат некому, па дури и да ги натераат да ги променат своите животи.